Tuesday, 26 September, 2017, 5:54 +0400 Armenian English

VIP ՍՐԱՀ

Ձեր ուղևորությունն ավելի հարմարավետ դարձնելու համար օգտվեք օդանավակայանի Բարձրակարգ  Սպասարկման (ԲՍ) սրահից:

ԲՍ սրահում առկա է առանձին հաշվառման սեղան, անվտանգության, անձնագրային, մաքսային և միգրացիոն հսկիչ կետեր: ԲՍ սրահի ուղևորներն սպասարկվում են ընդհանուր սրահի ուղևորներից առանձին:

ԲՍ սրահում կարող եք օգտվել նաև ուղեբեռի տեղափոխման ծառայությունից: ԲՍ սրահի  աշխատակիցները  կօգնեն Ձեզ հանձնել ուղեբեռը մեկնման ժամանակ,  ստանալ ուղեբեռը ժամանման ժամանակ և տեղափոխել ձեռքի իրերը թե´ մեկնման  թե´ ժամանման ընթացքում: 

Ժամանման ընթացքում ԲՍ սրահի աշխատակիցները դիմավորում են ուղևորին անմիջապես շարժասանդուղքի մոտ և ուղեկցում ԲՍ սրահ, որտեղ վերջինս կարող է օգտվել անվճար հյուրասիրությունից հարմարավետ պայմաններում: 
Ուղևորների սպասարկումն իրականացվում է "S” Դասի Mercedes-ով  և միկրոավտոբուսներով (Mercedes Viano և Mercedes Vito).

Նախապես ամրագրելու համար խնդրում ենք դիմել ԲՍ սրահի ընդունարան (հեռ. +374 10 493 000 7292)` տեղեկացնելով ուղևորի անունը, ազգանունը, ժամանման կամ մեկնման  ամսաթիվը և չվերթի համարը: 

Ծառայության դիմաց վճարումը կատարվում է ՀՀ դրամով` կանխիկ կամ բանկային քարտի միջոցով: Դուք կարող եք փոխանակել Ձեր տարադրամը օդանավակայանում գործող բանկերի մասնաճյուղերից որևէ մեկում կամ արտարժույթի փոխանակման մեքենաների միջոցով: Մինչև 6 տարեկան երեխաները սպասարկվում են անվճար:

ԲՍ սրահի ծառայություններից օգտվելու սակագներն են`

ՄԵԿՆՈՒՄ
Հաշվառում ԲՍ սրահում, ուղեկցում սահմանային հսկիչ կետ, Բիզնես սրահի մուտքի թույլտվություն (ուղևորը անվտանգության և անձնագրային հսկիչ կետերն անցնում և գնում է ինքնաթիռ ինքնուրույն) – 30,000 ՀՀ դրամ յուրաքանչյուր ուղևորի համար:
Ուղևորի ամբողջական սպասարկում ԲՍ սրահում` ներառյալ փոխադրում ԲՍ սրահից օդանավ միկրոավտոբուսով – 55,000 ՀՀ դրամ յուրաքանչյուր ուղևորի համար:
Ուղևորի ամբողջական սպասարկում ԲՍ սրահում`  ներառյալ փոխադրում ԲՍ սրահից օդանավ "S” Դասի Mercedes-ով - 75,000 ՀՀ դրամ յուրաքանչյուր ուղևորի համար*
* "S” Դասի Mercedes –ով  յուրաքանչյուր փոխադրման դեպքում, սկսած երկրորդ ուղևորից` սպասարկման  արժեքը - 55,000 ՀՀ դրամ յուրաքանչյուր ուղևորի համար:  

 
ԺԱՄԱՆՈՒՄ
Ուղևորի փոխադրում օդանավից ԲՍ սրահ միկրոավտոբուսով – 55,000 ՀՀ դրամ յուրաքանչյուր ուղևորի համար:
Ուղևորի ամբողջական սպասարկում ԲՍ սրահում`  ներառյալ փոխադրում ԲՍ սրահից օդանավ "S” Դասի Mercedes-ով - 75,000 ՀՀ դրամ յուրաքանչյուր ուղևորի համար*
* "S” Դասի Mercedes –ով  յուրաքանչյուր փոխադրման դեպքում, սկսած երկրորդ ուղևորից` սպասարկման  արժեքը - 55,000 ՀՀ դրամ յուրաքանչյուր ուղևորի համար:  

Քաղաքացիական Ավիացիայի մինչև 50 ուղևոր փոխադրող բոլոր ոչ կանոնավոր                      (կոմերցիոն, չարտերային և մասնավոր) չվերթները սպասարկվում են բացառապես ԲՍ սրահում:
Վճարումները կատարվում են անմիջապես ԲՍ սրահում կամ նախապես` փոխանցումով: Հավելյալ տեղեկությունների համար խնդրում ենք դիմել պրն. Խորեն Իսրայելյանին` հետևյալ էլ.-փոստի հասցեով` kisraelyan@aia-zvartnots.aero և +374 94 431762 հեռախոսահամարով, կամ Արմինե Չալկադրյանին`  achalkadryan@aia-zvartnots.aero և +374 98 454554 հեռախոսահամարով: Ամրագրումների համար խնդրում ենք դիմել ԲՍ սրահի ընդունարան` զանգահարելով +374 10 493 000 7292 համարին:

*Որոշ ավիաընկերություններ չեն իրականացնում հաշվառում ԲՍ սրահում , ուղևորը հաշվառումն անցնում է  ընդհանուր սրահում, այնուհետև շարունակում  սպասարկվել ԲՍ սրահում: